Төлемдердің жаңа халықаралық
стандарты

Бұл – қаржы саласындағы ұйымдар арасында электрондық хабарлама алмасу халықаралық стандарты. ISO 20022 стандарты Қазақстанда 2025 жылғы 13 қаңтардан бастап әрекет етеді.

Енді төлем жасау үшін көп дерек көрсетудің қажеті жоқ:


• Нақты төлеуші — атынан төлем жасалатын тұлға немесе ұйым
• Нақты алушы — ақша алатын немесе оның пайдасына төлем жасалатын тұлға
  
  

Деректер ақша жіберушімен және бенефициармен сәйкес келсе, нақты төлеуші мен нақты алушыны көрсетпеуге болады

• Ақша жіберушінің/бенефициардың резиденттік елі — елді тек ҚР бейрезиденттері ISO 3166-1:2016 стандартына сәйкес екі әріпті халықаралық ел коды арқылы көрсетуге тиіс

ISO стандарты төлемді нақтырақ және ашығырақ жасайды. Сондықтан халықаралық талаптарға ертерек дайындалған жөн

Төлеушінің банк шоты болуы шарт емес, ал ақша жіберушінің шоты болуы керек. Ақша жіберуші осы шоттан аударма жасайды.


Мысалы: ұйым жұмыскерден алимент ұстап қалады. Мұндай жағдайда ұйым – ақша жіберуші, ал жұмыскер – нақты төлеуші.

• Ақша жіберуші мен бенефициар Қазақстан Республикасының бейрезиденті болса, резиденттік елі көрсетілуге тиіс: Қазақстан Республикасының ҚР ҰК ISO 3166-1-2016 “Елдердің атауларын және олардың әкімшілік-аумақтық бөлімшелерінің бірліктерін ұсынуға арналған кодтар. 1-бөлім. Елдердің кодтары” ұлттық классификаторына сәйкес тиісті елдің екі әріпті коды.
• Заңды тұлға бюджетке өзінің оқшауланған бөлімшелері үшін төлем жасаған кезде “Ақша жіберуші” бағанында заңды тұлғаның атауы, БСН, мекенжайы мен телефоны көрсетіледі. “Нақты” бағанында заңды тұлғаның міндеттемелері бойынша төлем жасалатын оқшауланған бөлімшесінің атауы және оның БСН көрсетіледі.
• Бенефициар банкі ақшаны бенефициардың пайдасына ақша жіберуші еркін төлем тапсырмасында көрсеткен деректемелердің негізінде аударады.
• Нақты төлеушінің және (немесе) нақты (ақырғы) бенефициардың деректемелерін көрсетуге бастамашы жауапты болады.